كنت بفكر فيها من كام يوم وقولت يا رب خلينى اشوفها ولو لوقت صغير
ودعيت من كل قلبى انى اوصل لشئ اعرف منه اخبارها وهى فين
وعدى يوم ورا التانى وانا مستنيه وفجاه ولما نسيت الموضوع ده
وفى مره وانا ماشيه فى الشارع شوفت الحاجه الوحيده اللى ممكن اسالها عنها
وحسيت ان قلبى هيطير من الفرحه
لكن مش عارفه ليه وقفت مكانى وبدل ما اروح اسالها عن اللى كنت بفكر فيها فضلت بصلها هى
وهى كمان فضلت تبصلى وهى بتقولى هو انتى صحبتها وحسيت انها كانت عايزه تقولى وتحكيلى وتطمنى عليها
ولكن لقيت من خرجنى من هذا الشعور وهى بتقولى وقفتى ليه يلا عشان نروح
وانا ماشيه حسيت ان فى حاجه بتتسحب منى وانى ازاى اسيب الامل الوحيد اللى هيدلنى على امال
ازاى اضيع الفرصه اللى دعيت ربنا كتير انه يديهالى
بجد احساس مش هقدر انساه لما تفكر فى حد وتلاقى الشخص اللى هيدلك عليه
وبالسهوله ديه تسيبه وتيجى تسال نفسك ليه ضيعتها تلاقى انك مش لاقى اجابه للسؤال ده
انا عارفه انى ممكن الاقى الشخصيه ديه تانى
بس بدعى ربنا انه يخلينى اشوف امال زى ما شوفت الامل اللى كان هيدلنى عليها
